HospiVision op Radiokansel 657AM het ten doel om mense wat ly, in te lig en op te bou.
Jou gasheer, Dr Pieter Barnard, is van die organisasie HospiVision. Hulle bied geestelike, emosionele, sosiale en fisiese sorg aan pasiënte. Die organisasie bemagtig ook mense deur vaardigheidsontwikkeling en ondersteun kinders wat deur Vigs besmet of geraak word. Dr Pieter fasiliteer hierdie dienste in fabrieke of maatskappye asook by tuistes vir persone met gestremdhede. Hy het ‘n diep begrip vir, en empatie met, mense in lyding.
Die tema van HospiVision raak lewens aan en gee hoop. Dit handel oor geestelike, emosionele en fisiese gesondheidskwessies. Om diegene in uiterste fisieke en emosionele pyn te bedien, eis sy tol op enige persoon, maar volgens dr Pieter is dit “hoop” wat hulle aan die gang hou.
Ons saai hoop, en ons raak lewens aan. In ruil daarvoor maai ons die hoop wat ons aan die gang hou.
Hierdie sentiment dra oor na HospiVision op Radiokansel 657AM. Gaste in die ateljee inspireer en moedig luisteraars aan deur kragtige getuienisse. Mediese en verwante professies kom deel ook inligting van onskatbare waarde vir luisteraars.
Van die onderwerpe wat ons op HospiVision dek:
- Stories en getuienisse van genesing en wonderbaarlike ingryping deur God.
- Gesondheidsriglyne en inligtingsriglyne vir die hele gesin.
- Hoe om ‘n verskil te maak in die lewens van diegene wat met depressie en geen hoop leef nie.
Indien jy ‘n program misgeloop het, kan jy na die potgooi gaan luister. Kliek hier.
