Met Hart en Siel is ‘n weeklikse joernaalprogram op Radiokansel 657AM. Jou aanbieder is die talentvolle Christine Ferreira, redakteur van die Christelike vrouetydskrif, Lééf.
Die program is vir vroue (en mans) van geloof wat die pragtige en goeie uit die Vader se hand geniet.
Ons leef in hoop, omring deur genade, weggesteek in liefde.
Christine glo in die belangrikheid van balans – om tyd vir God, jouself en ander te maak. Tydens die program praat sy oor ‘n wye verskeidenheid relevante onderwerpe wat naby aan die harte van gelowiges is. Sommige hiervan sluit besprekings in oor:
- Gesondheid en welstand
- Kreatiwiteit
- Familie
- Huwelik
- Geloof
Sy betrek ook kundiges om hul persoonlike getuienisse deel en God se liefde en teenwoordigheid in ons lewens te onderskryf. Tydens hierdie program vier ons mekaar se kreatiwiteit en uniekheid en kies ons om lief te hê en met hart en siel te leef.
As Christine een boodskap aan die vroue van Suid-Afrika kon beklemtoon, sou dit wees om te onthou dat hulle geliefdes van God ons Vader is.
Dit maak hulle sterk en in staat om ‘n verskil in God se koninkryk te maak.
Sluit aan by Christine vir Met Hart en Siel elke week op jou gunsteling Christen Radiostasie en ontdek saam inhoud wat jou hart en siel sal verryk. Indien jy ‘n episode van hierdie besonderse program misgeloop het kan jy dit in ons potgooi afdeling vind.
