Rocky Stevenson

Rocky Stevenson beskryf homself as ‘n geredde sondaar (sedert Desember 2001). Hy is sedert November 2010 getroud met Maxine, en het twee kinders Levi (5) en Simeon (3). Rocky is leraar by Benoni Bible Church en voormalige leraar van Middelburg Baptist Church waar sy pastorale bediening begin het. Vir vier jaar het Rocky sy kweekskoolopleiding by Christ Seminary in Polokwane voltooi.

Hy is passievol en lief vir die Woord van God en die predikingsbediening waarheen God hom genadiglik geroep het. Sy begeerte en gebed vir sy bediening by Benoni Bible Church, en ook hier by Radiokansel, is dat dit God verheerlik, die Kerk opbou en dat verlorenes geëvangeliseer word. Deur sy bediening hoop Rocky om die liefde en waardering vir die geïnspireerde, onfeilbare en voldoende Woord van God in alle mense te verdiep (2 Timoteus 3:16). Rocky streef daarna om homself by die Heilige inhoud van God se Woord te hou (2 Timoteus 2:15). Hy meen: “Die Bybel het dit gesê, ek glo dit, en streef daarna om dit deur Sy genade te doen.”

Rocky bid vir die herlewing van ware Bybelse Christenskap in ons land en probeer om elke geleentheid wat hom bied te benut om Christus bekend te maak. Hy bid dat die Here hom ‘n onverdeelde hart sal gee in sy liefde vir Christus, Sy kerk en die verkondiging van die uitnemendheid van Hom wat ons uit die duisternis geroep het na Sy wonderbare lig (1 Petrus 2:9).

Skrifgedeeltes wat Rocky met vertroue in sy bedieningslewe vul, is Johannes 10:27-28, Kolossense 1:28 en 1 Korintiërs 1:22-25.

Jy kan elke Dinsdag tussen 11:00 – 12:00 na Rocky luister waar hy saam met Wynand Rossouw die program ‘Skriftuurlik‘ aanbied. Hy is ook gereeld ‘n gas op Mark Penrith se program ‘Table Talk‘ wat Vrydae uitgesaai word.

Jy kan hom kontak by pastor@benonibiblechurch.co.za.