Word deel van die Radiokansel YouTube-familie

Jy is reeds deel van ons radiofamilie, nou kan jy ook deel van ons YouTube-familie word. Jy hoor daagliks die bekende stemme, maar jy sien amper nooit die gesigte nie. Nou kan jy na van jou gunsteling Radiokansel-aanbieders op YouTube kyk!

As jou daaglikse reisgenoot wil Radiokansel graag soveel moontlike platforms tot ons beskikking gebruik om die Evangelie met Suid-Afrika, en ‘n wêreld in nood, te deel. Ons is jou daaglikse reisgenoot in elke opsig!

Nie net kan jy 24 uur per dag, 7 dae per week na ons op 657AM en radiokansel.co.za luister nie, maar jy kan ons nou ook sien! Teken in op Radiokansel se YouTube-kanaal waar jy motiveringsboodskappe, getuienisse, onderhoude, regstreekse programme en soveel meer sal vind.

YouTube LIVE

Hoekom na jou gunsteling program luister as jy dit REGSTREEKS kan kyk? Besoek die Radiokansel YouTube-kanaal en kliek op LIVE, waar jy na programme soos Heerlikheid met Charles van Onselen, Vreugde/Joy met Bertha le Roux, Heart to Heart met Sibongile Mofokeng en Table Talk met Mark Penrith regstreeks kan kyk soos dit gebeur.

Wees die eerste om te weet

Wanneer jy inteken en jy kliek op die klokkie-ikoon, sal jy ‘n kennisgewing ontvang sodra ‘n nuwe video opgelaai is. Word geïnspireer, gemotiveer en aangemoedig deur nuwe boodskappe en programme wat elke week opgelaai word.

Deel jou getuienis

Ons wil jou ook uitnooi om jou getuienis met ons te deel. Oor die 41 jaar wat Radiokansel op die lug is, het ons baie wonderlike getuienisse van luisteraars ontvang. Nou wil ons graag jou getuienis opneem en dit met ons YouTube-familie deel. As jy ‘n getuienis het wat jy graag wil deel, kontak asseblief vir Lisa Steyn by lisa@radiokansel.co.za

Teken in op Radiokansel se YouTube-kanaal.

Ons is jou daaglikse reisgenoot in elke opsig, dankie dat jy ook ons s’n is.